السلام عليكم ورحمة الله وبركاته
هذي القصيده سلمكم الله
لشاعر خـالـد المـريـخــي
سمعنـي
ياللي تطالع وكنك ماتطالعني
نظرتك هذي حبيبي لاتكررها
صحيح شاطر ولكن صعب تخدعني
أنا على الطاير افهمها واطيرها
أنا مزاجي واطيع اللي يطاوعني
أن كان لي خلق أمرره أمررها
أسمع كلامي أذا ودك تولعني
سعادتي خلها همك ودورها
ابنصحك قوم خل عنادك وطعني
وتعال نطوي الليالي ونتذكرها
وسمعني اللي كتبته فيك سمعني
والكلمه اللي تشكل معك غيرها
بلسانك الشعر لو تكسر يمتعني
كسر يابخت البيوت اللي تكسرها